“अब मनाङ सडक सन्जाल द्वारा सारा नेपाल सँग पहुचमा पुगेको छ “- प्रतीनिधी सभा सदस्य पोल्देन छोपाङ गुरुङ



बेशिसहर-चामे-खाङसार सडक खण्ड सुचारु भएको छ ।

Before: Destroyed by Flood
After: Repaired

 

 

 

यस बर्षको बाढी पहीरोको कारण क्षती भएको सडक करिब चार  महीनामा पुर्णरुपमा सञ्चालनमा आएको छ । सडक सुचारु भएसँगै लम्जुङको बेसिशहर बाट सिधै मनाङको खाङ्सार पुग्न सकिने भएको छ ।

 

मनाङ बाट निर्वाचित प्रतीनिधी सभा सदस्य पोल्देन छोपाङ गुरुङले वैकल्पिक मार्ग प्रयोग गरेर तथा भत्केको सडक पुन:निर्माण भई सडक पूर्ण रुपमा सन्चालनमा आएको जनाउदै भन्नुभयो “अब मनाङ सडक सन्जाल द्वारा सारा नेपाल सँग पहुचमा पुगेको छ ।”

Now after repairing
Before

 

 

 

 

 

२०७८ असार १ मा आएको वाढी र पहिरोले मनाङ जाने सडक क्षतविक्ष भएको थियो ।

 

सबैभन्दा चुनौती पुर्ण रहेको मनाङ ङिस्याङ गा पा १ स्थित भ्रताङ भिरमा भने यस अगि नै बाटो सन्चालनमा आएको छ । ‘पेमा छिरिङ एन्ड छुन्ता गुरुङ फाउन्डेसन’ र मनाङ ङिस्याङ गापा को आर्थीक व्यवस्थापनमा यो खण्ड सुचारु भएको हो ।

 

मनाङमा वाढी पहिरो ले अवरुद्ध गरेको सडक खुल्यो

यसअघीनै मनाङ ङिस्याङ गाउँपालिकामा र चामे गाउँपालिकामा भने मोटर बाटो खुली सकेको थियो ।

 

मनाङ ङिस्याङ र चामे गाउँपालिका मा मोटरवाटो सुचारु

 

यसअघी नै मनाङ सदरमुकाम चामेमा रहेको मोटरएबल पुल सन्चालनमा आएको थियो ।

 

 

यसैगरी धारापानीमा भने वैकल्पिक बाटो निर्माण गरेर बेसिशहर-चामे-खाङ्सार सडक खण्ड सुचारु गरिएको छ। वैकल्पिक बाटो को व्यवस्थापन गर्न प्रतीनिधी सभा सदस्य पोल्देन छोपाङ गुरुङ , मनाङका प्र. जि. अ. , स्थानिय निकायका प्रमुख हरु सम्मिलित वैठकले जग्गा धनी र स्थानिय सँग सहमती जुटाएको थियो ।

 

बेशिसहर-चामे सडक खण्ड लमजुङतर्फ ३५ र मनाङतर्फ ३० किलोमिटर गरी कूल ६५ किलोमिटरको लामो छ ।

 

२०७८ जेष्ठ र असारमा आएको वाढी र पहिरोले यो सडक खण्डमा करिब रु १५ करोड बराबरको क्षति पुगेको सडक डिभिजन कार्यालय दमौलीको अनुमान  छ ।

 

 

 

 

हिमाली जिल्ला मनाङलाई राष्ट्रिय सडक सञ्जालमा जोड्ने सरकारको योजनाअनुरुप वि.सं २०५१ देखि सडक डिभिजन कार्यालय दमौलीले निर्माण शुरु गरेको थियो । योजना कार्यान्वयन भएसँगै माओवादी सशस्त्र द्वन्द्व शुरु भयो । योसँगै अन्य विविध कारणले अवरुद्ध भएको सडक निर्माणको जिम्मा नेपाली सेनालाई दिएको थियो । वि.सं २०५७ मा सेनाले सडक निर्माणको जिम्मा पाएर काम अघि बढाएर विसं २०६९ मा सम्पन्न गरेर सडक डिभिजन कार्यालय दमौलीलाई हस्तान्तरण गरेको थियो । सवारी चढ्ने मनाङवासीको सपना सडक निर्माण शुरु भएको १८ वर्षपछि मात्रै बेँसीशहर–चामे सडकखण्ड निर्माण पूरा भएको थियो । मर्स्याङ्दी नदीबाट ३०० देखि एक हजार ६०० फिट माथि हुँदै सडक निर्माण भएको छ ।