काँग्रेसको क्रियाशील छानविनका लागि ४० लाख रुपैयाँ खर्च भएको छ । समितिका सदस्यहरु परियार र ढुंगानाले प्रदेश १ र प्रदेश २, घिमिरे र पौडेलले गण्डकी र बागमती, चौधरी र गुरुङले लुम्बिनी, कर्णाली र सुदूरपश्चिम प्रदेशको जिल्लागत अवस्था बुझ्न भ्रमण गरेका थिए ।
उनीहरुलाई पार्टीले यातायात खर्च व्यहोरेको थियो भने खाने तथा बस्ने व्यवस्था सम्बन्धित पार्टी कमिटीले ब्यहोरेको थियो । पार्टी सचिवालयका कर्मचारीलाई मोबाइल खर्च दिइएको छ ।
त्यसका लगि पार्टीले पहिले पेश्कीस्वरुप १५ लाख भुक्तानी गरेको थियो । जसमा १० लाख बराबरको कम्प्युटर, ल्यापटप, प्रिन्टर लगायतका सामग्री खरिद गरिएको छ ।
पहिलो पेश्कीबाट १४ लाख बढी खर्च भइसकेकाले २५ लाख थप भुक्तानी गरिएको छ । त्यसबाट पनि थप तीनवटा प्रिन्टर खरिद गरिएको छ । धर्मशालामा दैनिक २ हजारका दरले खाने बस्ने व्यवस्था मिलाइएको छ । संयोजक लेखकले बिल भुक्तानी आफैले गर्ने बताएको बुझिएको छ ।
