सेनाद्वारा सशस्त्र प्रहीलाई ५ सय ९० थान हतियार हस्तान्तरण



नेपाली सेनाले सशस्त्र प्रहरी बललाई ५ सय ९० थान हतियार हस्तान्तरण गरेको छ । प्रधानसेनापति प्रभुराम शर्माले सशस्त्र प्रहरीका महानिरीक्षक शैलेन्द्र खनाललाई आइतबार पाँच सय ९० नाल हतियार हस्तान्तरण गरेका हुन् ।

 

 

सेनाको जनसम्पर्क तथा सूचना निर्देशनालयका जंगी अड्डाका अनुसार रक्षा र गृहसचिव, नेपाली सेना र सशस्त्र प्रहरीका अधिकारीहरूको उपस्थितिमा हतियार हस्तान्तरण गरिएको हो । ‘सशस्त्र प्रहरी बल, नेपाललाई तालिम, विशिष्ट र अतिविशिष्ट व्यक्ति सुरक्षा, कार्यालय सुरक्षा तथा ठूला कार्यक्रमहरू संचालन गर्ने प्रयोजनका लागि भनि नेपाल सरकार, मन्त्रिपरिषद्को मिति २०७८ चैत्र २४ गतेको निर्णय बमोजिम नेपाली सेनाले सहयोग स्वरुपमा ईन्सास राइफल नाल नौ हजार र एलएसडब्ल्यू नाल एक हजार छ सय गरी कूल १० हजार ६ सय नाल हतियार उपलब्ध गराउने छ । सोही अनुरुप, आज पहिलो चरणमा ईन्सास राइफल नाल पाँच सय र एलएसडब्ल्यू नाल ९० गरी कूल ५ सय ९० नाल हतियार हस्तान्तरण गरिएको हो,’ निर्देशनालयले भनेको छ ।

 

सेनाले बाँकी हतियार तथा एम्युनिसन क्रमश हस्तान्तरण गर्दै लगिने जनाएको छ । सेनाले दिएका हतियारले यसबाट सशस्त्र प्रहरी बलको क्षमता अभिवृद्धि हुने बताएको छ । यस्ता कार्यक्रमले सुरक्षा निकायहरूबीचको सम्बन्ध समेत थप बलियो हुने विश्वास नेपाली सेनाले लिएको जंगी अड्डाले जनालेको छ ।

२१ असार २०७८, सोमबार

नेपाली सेनाले नेपाल प्रहरीलाई ३०० थान हतियार उपलब्ध गराएको छ ।

 

प्रधानसेनापति पूर्णचन्द्र थापाले प्रहरी महानिरीक्षक शैलेश थापालाई सैनिक मुख्यालयमा आज आयोजित कार्यक्रममा उक्त परिमाणको इन्सास, एसएलआरलगायतका हतियार र सोको गोली एवं आवश्यक पार्टपुर्जा हस्तान्तरण गर्नुुभएको हो ।

 

 

मन्त्रिपरिषद्को गत जेठ १७ को निर्णयानुसार सेनाले १० हजार ८१८ नाल हरियार तथा १४ लाख ९४ हजार १६ थान गोली र आवश्यक पार्टपुर्जा प्रहरीलाई तीन चरणमा उपलब्ध गराउने छ ।

 

 

प्रहरीले तालीम, विशिष्ट र अतिविशिष्ट व्यक्तिको सुरक्षा, कार्यालय सुरक्षा तथा अन्य ठूला कार्यक्रम सञ्चालन गर्ने प्रयोजनका लागि ती हतियार माग गरेको थियो ।

 

 

उपलब्ध गराइएका हतियारको मर्मत तथा सञ्चालनसम्बन्धी तालीमसमेत सेनाले प्रहरीलाई प्रदान गर्नेछ । सेनाले बाँकी हतियार आगामी वैशाखभित्रमा हस्तान्तरण गरिसक्ने जानकारी दिइएको छ ।

 

 

कार्यक्रममा महासेनानी राजेन्द्रमणि गिरी र वरिष्ठ उपरीक्षक दिपक थापाबीच सहमतिपत्र आदानप्रदान भएको थियो । मुलुकका रक्षा र सुरक्षाको धरोहरका रुपमा रहेका ती दुई निकायका बीच शान्तिसुरक्षा कायम गर्ने सन्दर्भमा कतिपय समयमा संयुुक्त परिचालन समेत हँुदै आएको छ ।

 

 

शान्तिसुरक्षा कायम गर्ने सन्दर्भमा उत्पन्न हुने अवस्थाको प्रतिकार्यसमेतमा प्रयोग हुने उक्त हतियारले प्रहरीको क्षमता अभिवृृद्धि गर्नेछ । प्रहरीको अनुरोधमा सरकारबाट भएको निर्णयबमोजिम सेनासँग भएको जगेडा हतियार प्रहरीलाई उपलब्ध गरिएको सैनिक प्रवक्ता सन्तोषबल्लभ पौडेलले जानकारी दिनुुभयो ।

 

 

 

यसअघि सेनाले सशस्त्र प्रहरी बल नेपाललाई सन् २०२० जुलाई २९ मा ६०० थान इन्सास हतियार उपलब्ध गराएको थियो । कार्यक्रममा नेपाली सेनाका बलाधिकृत रथी प्रभुराम शर्मा लगायत उच्च सैनिक अधिकृतको सहभागिता रहेको थियो ।