सरकार अधिनायकवादतर्फ उन्मुख भएको एमाले सांसदको आरोप

काठमाडौं । नेकपा एमालेका सांसद राजेन्द्र राईले सरकार अधिनायकवादतर्फ उन्मुख भएको आरोप लगाएका छन् । प्रतिनिधिसभाको बैठकमा बोल्दै सरकारले पत्रकारलाई लेख्न पाउने अधिकारबाट वञ्चित गरेको बताए ।

उनले भने, ‘लोकतन्त्रको विकल्प लोकतन्त्रै हो । सबै मानिसले बोल्ने, लेख्ने, सभा, सङ्गठन गर्ने एउटा अधिकार हुन्छ । जनआस्थाका प्रधान सम्पादक किशोर श्रेष्ठलाई पक्राउ गरिएको छ। घरमा खनतलासी गरियो, छोराछोरीको ल्यापटप पनि लगियो ।’

उनले सरकारले जनताको जीउधनको सुरक्षा गर्नुपर्नेमा उल्टै पत्रकारहरूलाई थुन्ने काम केन्द्रित भएको बताए । उनले श्रेष्ठलाई तत्काल रिहाइ गर्न माग गरे।

ग्यास अभावको कारणले जनजीवन प्रभावित भएको भन्दै सरकारको ध्यानाकर्षण गराए ।

0