‘संविधान संशोधन संसदीय गणितमा सीमित हुनु हुँदैन ‘: विश्वप्रकाश शर्मा
नेपाली काँग्रेसका उपसभापति विश्वप्रकाश शर्माले संविधान संशोधनलाई संसद्को सङ्ख्यात्मक समीकरण वा सत्ता र प्रतिपक्षको चाहनामा मात्र सीमित गर्न नहुने बताएका छन्।
काठमाडौँ। नेपाली काँग्रेसका उपसभापति विश्वप्रकाश शर्माले संविधान संशोधनलाई संसद्को सङ्ख्यात्मक समीकरण वा सत्ता र प्रतिपक्षको चाहनामा मात्र सीमित गर्न नहुने बताएका छन्।
संशोधन राष्ट्रिय एकता र नागरिकको भावनासँग जोडिएको विषय भएकाले व्यापक चिन्तन आवश्यक रहेको उनको भनाइ छ।
काठमाडौँको खुलामञ्चमा आयोजित काँग्रेसको १५औँ महाधिवेशनको उद्घाटन सभालाई सम्बोधन गर्दै शर्माले सरकारले संविधान संशोधनको प्रक्रिया व्यवस्थित र परिपक्व ढङ्गले अघि बढाए साथ दिने प्रतिबद्धता व्यक्त गरेका छन्।
‘संविधान संशोधनको विषय सत्ता र प्रतिपक्षको चाहनाको मात्रै विषय बन्नु हुँदैन । संविधान संशोधनको विषय गणितको विषय मात्रै बन्न हुँदैन,’ उनले भनेका छन्।
राष्ट्रिय एकता र नागरिकको भावनालाई आधार बनाउन आग्रह||
शर्माले संविधान संशोधन गर्दा संसदीय गणितसँगै समग्र राष्ट्रिय एकता र नागरिकको भावनालाई ध्यान दिन सरकारलाई आग्रह गरेका छन्। संविधानले परिकल्पना गरे अनुसारको मुल्यांकनका आधारमा संशोधन प्रक्रिया अघि बढाउनुपर्नेमा उनले जोड दिएका छन्।
उनले संशोधनका क्रममा जेन जेड आन्दोलनको मर्म र भावना, मधेश आन्दोलन तथा विभिन्न समुदाय र भूगोलबाट उठेका मागलाई पनि सम्बोधन गर्नुपर्ने बताएका छन्।
यो खबर पढेर तपाईलाई कस्तो महसुस भयो ?
प्रतिक्रिया (0)
प्रतिक्रिया दिन कृपया लगइन गर्नुहोस्।
कुनै प्रतिक्रिया छैन। पहिलो प्रतिक्रिया दिनुहोस्!
