रास्वपालाई कत्तिको सहज छ ‘राइट टु रिकल’ कार्यान्वयन ?

काठमाडौँ । सत्तारुढ दल राष्ट्रिय स्वतन्त्र पार्टी(रास्वपा)ले आफ्ना पार्टीका सांसद खगेन्द्र सुनार विवादास्पद अडियो विवादमा तानिएपछि छानबिन बढाउन केन्द्रीय अनुशासन आयोगलाई निर्देशन दिएको छ ।

पार्टीको निर्देशनलगत्तै आयोगले उक्त अडियोबारे सुनारलाई २४ घन्टे स्पष्टीकरण पत्र पठाएको दाबी गरेको छ । स्पष्टीकरणको जवाफ आएपछि बाँकी प्रक्रिया बढ्ने अनुशासन आयोगले जनाएको छ । 

सुनारले एक महिलासँग आपत्तिजनक शब्द र धम्कीपूर्ण भाषा प्रयोग गरेको अडियो सार्वजनिक भएको थियो । सञ्चारमाध्यमलगायत सामाजिक सञ्जालमा सार्वजनिक भएको अडियोमा ती महिलासँग सुनार भनी दाबी गरिएका व्यक्तिले ‘ब्ल्याकमेलिङ’ गरेको बुझिन्छ । 

तर सुनारको विगत भने विवादास्पद नै देखिएको छ, उनी शंकास्पद बैंकिङ कारोबारमा संलग्न भएको सार्वजनिक तथ्यले नै देखाउँछ ।