फ्रान्सका गृहमन्त्रीले दिए राजीनामा ?
फ्रान्सका गृहमन्त्री लरेन्ट नुनेजले सप्ताहान्तमा भएका हिंसात्मक प्रदर्शनपछि राजीनामा दिएका छन् ।
काठमाडौँ। फ्रान्सका गृहमन्त्री लरेन्ट नुनेजले सप्ताहान्तमा भएका हिंसात्मक प्रदर्शनपछि राजीनामा दिएका छन् ।
फ्रान्स इन्टरसँग सोमबार बिहान कुरा गर्दै नुनेजले आफूले घटनाको जिम्मेवारी महसुस गरेपछि राजीनामा बुझाएको बताए ।
यसअघि राष्ट्रपति कार्यालय एलिसी प्यालेसले राष्ट्रपति इम्यानुएल म्याक्रोनले नुनेजको राजीनामा अस्वीकार गरेको जनाएको थियो । म्याक्रोनले उनलाई फ्रान्सका सडकलाई कसरी सुरक्षित बनाउन सकिन्छ र दङ्गामा संलग्नलाई कसरी न्यायको दायरामा ल्याउन सकिन्छ भन्ने विषयमा काम गर्न आग्रह गरेका थिए ।
नुनेजका अनुसार उनका टोलीले देशभर दुई लाख प्रदर्शनकारी सहभागी हुने अनुमान गरेका थिए । तर शनिबार फ्रान्सभर ५ लाख ५० हजारभन्दा बढी मानिस भेला भएको अनुमान गरिएको छ ।
Aमहँगी अत्यधिक बढेको र आर्थिक अवस्था कठिन भएको विरोधमा आम जनता सडकमा उत्रिएपछि आन्दोलन हिंसात्मक बन्न पुगेको थियो ।
उसो त सेप्टेम्बरको मध्यदेखि नै विद्यार्थीहरूले विद्यालयको जीर्ण भवन, शिक्षकको अभाव र शिक्षाको खस्कँदो गुणस्तरविरुद्ध आन्दोलन सुरु गरेका थिए। सुरुमा विद्यालयका मुद्दाबाट सुरु भएको यो आन्दोलन पछि शिक्षक, पेन्सनधारी र कामदारहरू जोडिँदै गएर देशव्यापी रूपमा फैलिएको हो।
यो खबर पढेर तपाईलाई कस्तो महसुस भयो ?
प्रतिक्रिया (0)
प्रतिक्रिया दिन कृपया लगइन गर्नुहोस्।
कुनै प्रतिक्रिया छैन। पहिलो प्रतिक्रिया दिनुहोस्!
