मनाङमा हिमपात: २ जनाको शव भेटियो, ८ जना अझै सम्पर्कविहीन

मनाङ। मनाङमा गएको हिमपहिरोमा परेका २२ जनामध्ये दुई जनाको मृत्यु भएको छ । उनीहरूको शव कैलाश हेलिकप्टरमार्फत उद्धार गरी प्रादेशिक अस्पताल मनाङमा ल्याइएको छ।

प्राप्त पछिल्लो विवरणअनुसार हिमपहिरोमा परेका २२ जनामध्ये १२ जना फु गाउँमा सम्पर्कमा आएका छन्। भने ८ जना अझै सम्पर्कविहीन छन्।

सम्पर्कविहीनहरूको खोजी तथा उद्धार कार्य जारी रहेको जनाइएको छ। यो विवरण बिहीबार साँझ ६ः१५ बजेसम्मको हो।