कांग्रेस महाधिवेशनमा रवि, ओली, प्रचण्डको सम्बोधन तय : अरु को-को आउँदै ?
नेपाली कांग्रेसको १५ औँ महाधिवेशनलाई रास्वपाका सभापति रवि लामिछानेसहित शीर्ष नेताहरूले सम्बोधन गर्ने तय भएको छ ।
काठमाडौं । नेपाली कांग्रेसको १५ औँ महाधिवेशनलाई रास्वपाका सभापति रवि लामिछानेसहित शीर्ष नेताहरूले सम्बोधन गर्ने तय भएको छ ।
लामिछानेसहित एमाले अध्यक्ष केपी शर्मा ओली, नेपाली कम्युनिस्ट पार्टी अध्यक्ष पुष्पकमल दाहाल (प्रचण्ड)ले सम्बोधन गर्ने तय भएको प्रवक्ता देवराज चालिसेले बताए ।
उनका अनुसार राष्ट्रिय प्रजातन्त्र पार्टी अध्यक्ष राजेन्द्र लिङ्देन, जनता समाजवादी पार्टी अध्यक्ष उपेन्द्र यादव, जनमत पार्टी अध्यक्ष चन्द्रकान्त राउत, श्रम संस्कृति पार्टी महासचिव आरेन राई र राष्ट्रिय जनमोर्चा अध्यक्षका तर्फबाट कार्यवाहक महासचिव घनश्याम पौडेल उद्घाटन समारोहमा सहभागी हुने निश्चित भएको छ ।
अन्तर्राष्ट्रिय अतिथिहरूमा सोसलिष्ट इण्टरनेशनलकी कार्यकारी संयोजक चन्ताल काम्बिवा महाधिवेशनमा सहभागी हुन नेपाल आइसकेको उनले बताए। अन्तर्राष्ट्रिय अतिथिहरूको सहभागिता सुनिश्चित हुने क्रम जारी रहेको बताए।
यो खबर पढेर तपाईलाई कस्तो महसुस भयो ?
प्रतिक्रिया (0)
प्रतिक्रिया दिन कृपया लगइन गर्नुहोस्।
कुनै प्रतिक्रिया छैन। पहिलो प्रतिक्रिया दिनुहोस्!
