‘जनताभन्दा सीडीओ–प्रहरी सरुवामा केन्द्रित हुँदा एमालेले जनमत गुमायो’

काठमाडौं- नेकपा एमालेका नेता नेकपा एमालेका नेता प्रदीप ज्ञवालीले जनतासँगको सम्बन्ध टाढिएका कारण पार्टी कमजोर भएको बताएका छन् ।

पार्टीका नेता–कार्यकर्ता जनपरिचालनभन्दा प्रमुख जिल्ला अधिकारी (सीडीओ), प्रहरी र प्रशासकीय अधिकृतको सरुवामा केन्द्रित हुँदा जनतासँगको सम्बन्ध टुटेको उनले बताएका छन् ।दीप ज्ञवाप्रलीले जनतासँगको सम्बन्ध टाढिएका कारण पार्टी कमजोर भएको बताएका छन् ।

पार्टीका नेता–कार्यकर्ता जनपरिचालनभन्दा प्रमुख जिल्ला अधिकारी (सीडीओ), प्रहरी र प्रशासकीय अधिकृतको सरुवामा केन्द्रित हुँदा जनतासँगको सम्बन्ध टुटेको उनले बताएका छन् ।


पार्टीको मधेस प्रदेश कमिटीले आयोजना गरेको ‘मिसन जागरण अभियान’को अभिमुखीकरण कार्यक्रमलाई सम्बोधन गर्दै पूर्वउपमहासचिव ज्ञवालीले पार्टी नेताहरू सरकारी र राजर्षिपनको कार्यशैलीमा रमाउँदा एमाले कमजोर भएको बताए ।

‘एमाले जनपरिचालन गर्ने पार्टी हो तर हाम्रो कार्यशैली सरकारी भयो । राजर्षी भयो,’ ज्ञवालीले भने, ‘हाम्रो ध्यान सीडीओ सरुवा, प्रहरी र प्रशासकीय अधिकृतको सरुवातिर केन्द्रित भयो । यसले पार्टी नेतालाई जनतासँग टाढा पुर्‍यायो । यो कुरा आजैका मितिबाट सुधार हुन जरुरी छ ।’


ज्ञवालीले फागुन २१ मा भएको निर्वाचनमा एमालेको कमजोर नतिजा आउनुमा पार्टीभित्रको आन्तरिक एकताको गडबडी पनि मुख्य कारक रहेको बताए । पूर्वराष्ट्रपति विद्यादेवी भण्डारीको सदस्यता विवाद, समूह–उपसमूहको निर्माण तथा निर्वाचनमा एकताबद्ध भएर जान नसक्दा अहिलेको अवस्था आएको उनको भनाइ छ ।

‘गतवर्षको भदौ २३ गतेसम्म एमाले ठूलो र बलियो पार्टी थियो । तर यसवर्षको भदौ २३ मा एमाले कमजोर पार्टी भएको छ,’ ज्ञवालीले भने, ‘यो अवस्था आउनुमा पार्टी जनताका मुद्दाबाट टाढिएको परिणाम हो । जसले गर्दा संविधान मिचिँदा होस् वा पार्टी नेतामाथि सरकारले ज्यादती गर्दा पनि जनता सडकमा आएनन् ।’

ज्ञवालीले २०७९ को निर्वाचनपछि जनताले एमालेलाई सत्ताभोगी पार्टीका रूपमा बुझ्न थालेको बताए । २०७९ देखि २०८२ सम्म आइपुग्दा एमालेले चार पटक सत्ता समीकरण बदलेको उनले बताए ।

‘२०७९ देखि ०८२ सम्म एमालेले चार पटक सत्ता समीकरण बदल्यो । पहिला प्रचण्डलाई प्रधानमन्त्री बनायो । केही महिनामै त्यो सरकार छोड्यो । फेरि प्रचण्डलाई नै प्रधानमन्त्री मानेर सरकारमा सहभागी भयो,’ ज्ञवालीले भने, ‘सरकारमा भित्रिने वा बाहिरिने कारण हामीले जनतालाई भनेनौँ । आखिर प्रचण्ड सुध्रिएर हामी सत्तामा गएका थियौँ कि हामी सुध्रिएर ? यसको जवाफ अझै पनि जनताले खोजेका छन् ।’

प्रचण्ड नेतृत्वको सरकारबाट हठात् बाहिरिएर कांग्रेससँग सहकार्य गर्दा जनतामा ज्यादै नकारात्मक सन्देश गएको पनि उनले बताए ।

एमालेले अब जनताका समस्याको पहिचान, उठान र समाधान दिनुपर्ने ज्ञवालीको भनाइ छ । पार्टीको भेला महोत्तरीको लालगढमा जारी छ ।