Logo
Logo
समाचार

गुप्तचर विभागकै प्रमुख अनुसन्धान अधिकृतको प्रमाणपत्र नक्कली भएको अख्तियारको दाबी

आयोगले चौधरीविरुद्ध कैद र जरिवाना माग गर्दै विशेष अदालत, काठमाडौँमा आरोपपत्र दायर गरेको हो ।

त
तिलिचो न्यूज संवाददाता
२०८३ मंसिर ३ गते २०:४५
५५
0
Comments
Shares
Featured Image
तस्बिर : तिलिचो न्यूज

काठमाडौँ । राष्ट्रिय अनुसन्धान विभागका प्रमुख अनुसन्धान अधिकृत रामबाबू प्रसाद चौधरीले बढुवा र पदस्थापनका लागि पेस गरेका शैक्षिक प्रमाणपत्र नक्कली रहेको अख्तियार दुरुपयोग अनुसन्धान आयोगले दाबी गरेको छ । आयोगले चौधरीविरुद्ध कैद र जरिवाना माग गर्दै विशेष अदालत, काठमाडौँमा आरोपपत्र दायर गरेको हो ।

आयोगका प्रवक्ता सुरेश न्यौपानेका अनुसार चौधरीले बिहार इन्टरमिडिएट एजुकेसन काउन्सिलबाट जारी भएको देखिने आईए तहको लब्धाङ्कपत्र, अस्थायी प्रमाणपत्र, कलेज छाडेको प्रमाणपत्र, चारित्रिक प्रमाणपत्र र स्थानान्तरण प्रमाणपत्र पेस गरेका थिए । आयोगले ती कागजात नक्कली रहेको र तिनैका आधारमा चौधरीले प्रमुख अनुसन्धान अधिकृत ९राजपत्राङ्कित द्वितीय श्रेणी० पदसम्म बढुवा र पदस्थापन भई त्यस पदको लाभ र सुविधा प्राप्त गरेको दाबी गरेको छ ।

चौधरीसहित विभागका उच्च पदस्थ कर्मचारीले सेवा प्रवेश र बढुवाका लागि पेस गरेका शैक्षिक प्रमाणपत्र नक्कली रहेको भन्दै छानबिन गर्न मागसहित उजुरी परेको थियो । सोही उजुरीमाथि अनुसन्धानपछि आयोगले चौधरीविरुद्ध आरोपपत्र दायर गरेको हो ।

आयोगले चौधरीलाई तत्कालीन भ्रष्टाचार निवारण ऐन, २०१७ को दफा १२ तथा दफा २९ को उपदफा ९२० र प्रचलित भ्रष्टाचार निवारण ऐन, २०५९ को दफा १६ को उपदफा ९१० बमोजिम कैद र जरिवाना गर्न माग गरेको छ ।

यो खबर पढेर तपाईलाई कस्तो महसुस भयो ?

प्रतिक्रिया (0)

प्रतिक्रिया दिन कृपया लगइन गर्नुहोस्।

कुनै प्रतिक्रिया छैन। पहिलो प्रतिक्रिया दिनुहोस्!

सिफारिस

गुल्मीमा चुँदारा समुदायको पेसा सङ्कटमा

गुल्मीमा चुँदारा समुदायको पेसा सङ्कटमा

बैतडी र बागलुङमा बाक्लो हिमपात, जनजीवन प्रभावित

बैतडी र बागलुङमा बाक्लो हिमपात, जनजीवन प्रभावित

राष्ट्रपतिसमक्ष राष्ट्रियसभा सदस्य निर्वाचनको प्रतिवेदन पेस

राष्ट्रपतिसमक्ष राष्ट्रियसभा सदस्य निर्वाचनको प्रतिवेदन पेस

प्रधानमन्त्रीसँग नर्वेली राजदूतको शिष्टाचार भेट

प्रधानमन्त्रीसँग नर्वेली राजदूतको शिष्टाचार भेट

Tilicho News

अध्यक्ष तथा सम्पादकः

वासुदेव न्यौपाने

सूचना विभाग दर्ता नं.

२१२४ / ०७७-७८

+977-9705161425

tilichonews@gmail.com

© २००६-२०२५ तिलिचो न्युज सर्वाधिकार सुरक्षित