Logo
Logo
समाचार

एसियाली क्लियरिङ युनियनको अध्यक्षता नेपाल राष्ट्र बैंकलाई

त
तिलिचो न्यूज संवाददाता
२०८३ मंसिर ३ गते २२:०१
४०
0
Comments
Shares
Featured Image
तस्बिर : तिलिचो न्यूज

काठमाडौँ । नेपाल राष्ट्र बैंकले सन् २०२६/२७ का लागि एसियाली क्लियरिङ युनियन (एसीयू) को अध्यक्षता पाएको छ। काठमाडौँमा नोभेम्बर १८ मा सम्पन्न एसीयू सञ्चालक समितिको ५४औँ बैठकले राष्ट्र बैंकलाई एक वर्षका लागि अध्यक्षता हस्तान्तरण गरेको हो।

बैठकले सन् २०२७/२८ का लागि म्यानमारको केन्द्रीय बैंकलाई अध्यक्ष र भारतीय रिजर्भ बैंकलाई उपाध्यक्ष चयन गरेको छ। सञ्चालक समितिको अर्को बैठक सन् २०२७ को जुनमा म्यानमारको नेपिडोमा गर्ने निर्णय पनि भएको छ।

नेपाल राष्ट्र बैंकको आयोजनामा नोभेम्बर १७ मा स्थायी प्राविधिक समितिको बैठक र त्यसको भोलिपल्ट सञ्चालक समितिको बैठक बसेको थियो। सञ्चालक समितिले प्राविधिक समितिका सिफारिस अनुमोदन गर्नुका साथै एसीयू महासचिवालयले तयार पारेको सन् २०२४/२५ को प्रतिवेदन ग्रहण गरेको छ।

राष्ट्र बैंकका अनुसार बैठकमा अन्तरदेशीय भुक्तानी प्रणालीको आधुनिकीकरण, नीतिगत सुधार तथा डिजिटल अर्थतन्त्र र सीमापार क्षेत्रीय सहकार्यको मार्गचित्रबारे छलफल भएको थियो। बैठकमा भारतीय रिजर्भ बैंकका गभर्नरसहित सदस्य राष्ट्रका केन्द्रीय बैंकका उच्च अधिकारी, पर्यवेक्षक र एसीयू सचिवालयका प्रतिनिधि सहभागी थिए।

सदस्य राष्ट्रबीचको भुक्तानी सहज बनाउन सन् १९७४ मा स्थापना भएको एसीयूको सचिवालय इरानको तेहरानमा छ। एसीयूले सदस्य राष्ट्रबीचको भुक्तानीको खुद हिसाब हरेक दुई महिनामा मिलाउने प्रणाली सञ्चालन गर्दै आएको छ।

यो खबर पढेर तपाईलाई कस्तो महसुस भयो ?

प्रतिक्रिया (0)

प्रतिक्रिया दिन कृपया लगइन गर्नुहोस्।

कुनै प्रतिक्रिया छैन। पहिलो प्रतिक्रिया दिनुहोस्!

सिफारिस

गुल्मीमा चुँदारा समुदायको पेसा सङ्कटमा

गुल्मीमा चुँदारा समुदायको पेसा सङ्कटमा

बैतडी र बागलुङमा बाक्लो हिमपात, जनजीवन प्रभावित

बैतडी र बागलुङमा बाक्लो हिमपात, जनजीवन प्रभावित

राष्ट्रपतिसमक्ष राष्ट्रियसभा सदस्य निर्वाचनको प्रतिवेदन पेस

राष्ट्रपतिसमक्ष राष्ट्रियसभा सदस्य निर्वाचनको प्रतिवेदन पेस

प्रधानमन्त्रीसँग नर्वेली राजदूतको शिष्टाचार भेट

प्रधानमन्त्रीसँग नर्वेली राजदूतको शिष्टाचार भेट

Tilicho News

अध्यक्ष तथा सम्पादकः

वासुदेव न्यौपाने

सूचना विभाग दर्ता नं.

२१२४ / ०७७-७८

+977-9705161425

tilichonews@gmail.com

© २००६-२०२५ तिलिचो न्युज सर्वाधिकार सुरक्षित