Logo
Logo
समाचार

एमालेको राष्ट्रिय भेला स्थानीय निर्वाचनमा केन्द्रित, लिखित सुझाव अनिवार्य

नेकपा एमालेले आगामी स्थानीय तह निर्वाचनको तयारीलाई राष्ट्रिय भेलाको मुख्य कार्यसूची बनाएको छ ।

त
तिलिचो न्यूज संवाददाता
२०८३ कार्तिक ३० गते २१:४१
१७०
0
Comments
Shares
Featured Image
तस्बिर : तिलिचो न्यूज

काठमाडौँ । नेकपा एमालेले आगामी स्थानीय तह निर्वाचनको तयारीलाई राष्ट्रिय भेलाको मुख्य कार्यसूची बनाएको छ । भेलामा सहभागी सबैले स्थानीय निर्वाचनसम्बन्धी सुझाव लिखित रूपमा दिनुपर्ने पार्टीले जनाएको छ ।

पार्टी केन्द्रीय कार्यालय च्यासलमा आयोजित पत्रकार सम्मेलनमा प्रचार विभाग प्रमुख नीरज आचार्यले भेलामा केन्द्रीय नेतृत्वदेखि पालिका तहसम्मका नेता र पार्टीबाट निर्वाचित जनप्रतिनिधिसहित ३ हजार ४१४ जना सहभागी हुने जानकारी दिए ।

आचार्यका अनुसार चुनावको पूर्वतयारीसँगै पार्टीका निर्णय र राजनीतिक दृष्टिकोणबारे पार्टी पङ्क्तिमा साझा बुझाइ बनाउने तथा वैचारिक र सङ्गठनात्मक एकता बलियो बनाउने उद्देश्यले भेला आयोजना गरिएको हो । उनले मुलुकमा देखिएको कुशासन र निराशालाई सम्बोधन गर्दै आशा जगाउने विषय पनि भेलाको उद्देश्यमा रहेको बताए ।

भेलामा अध्यक्ष केपी शर्मा ओलीले वर्तमान राजनीतिक अवस्था, पार्टीको दृष्टिकोण र आगामी कार्यदिशाबारे सम्बोधन गर्नेछन् । उनले पार्टीका ‘दुई प्रमुख कार्यभार र गर्नुपर्ने पन्ध्र काम’ पनि प्रस्तुत गर्ने तय भएको छ । पूर्वराष्ट्रपति एवं पार्टीकी वरिष्ठ नेता विद्यादेवी भण्डारीले समसामयिक विषय र पार्टीका कार्यभारबारे विशेष सम्बोधन गर्ने कार्यसूची छ ।

उपाध्यक्ष रामबहादुर थापाले संसदीय संघर्षमा पार्टीको भूमिकाबारे कार्यपत्र प्रस्तुत गर्नेछन् । अर्का उपाध्यक्ष विष्णुप्रसाद पौडेलले एमाले सरकारमा रहँदा भएका काम र उपलब्धिको समीक्षा प्रस्तुत गर्नेछन् । महासचिव शंकर पोखरेलले पार्टी शुद्धीकरण र सुदृढीकरणसँगै स्थानीय तह निर्वाचनको कार्ययोजना प्रस्तुत गर्नेछन् ।

यो खबर पढेर तपाईलाई कस्तो महसुस भयो ?

प्रतिक्रिया (0)

प्रतिक्रिया दिन कृपया लगइन गर्नुहोस्।

कुनै प्रतिक्रिया छैन। पहिलो प्रतिक्रिया दिनुहोस्!

सिफारिस

गुल्मीमा चुँदारा समुदायको पेसा सङ्कटमा

गुल्मीमा चुँदारा समुदायको पेसा सङ्कटमा

बैतडी र बागलुङमा बाक्लो हिमपात, जनजीवन प्रभावित

बैतडी र बागलुङमा बाक्लो हिमपात, जनजीवन प्रभावित

राष्ट्रपतिसमक्ष राष्ट्रियसभा सदस्य निर्वाचनको प्रतिवेदन पेस

राष्ट्रपतिसमक्ष राष्ट्रियसभा सदस्य निर्वाचनको प्रतिवेदन पेस

चुनावी मैदानमा हार्दिकता प्रस्तुत गर्दै उम्मेदवार

चुनावी मैदानमा हार्दिकता प्रस्तुत गर्दै उम्मेदवार

Tilicho News

अध्यक्ष तथा सम्पादकः

वासुदेव न्यौपाने

सूचना विभाग दर्ता नं.

२१२४ / ०७७-७८

+977-9705161425

tilichonews@gmail.com

© २००६-२०२५ तिलिचो न्युज सर्वाधिकार सुरक्षित