दानबहादुर कार्कीको रिट सर्वोच्चमा दर्ता

काठमाडौं । प्रहरी महानिरीक्षकबाट आफूलाई गैरकानुनी रुपमा हटाइएको दाबी गर्दै दानबहादुर कार्कीले सर्वोच्च अदालतमा दिएको रिट निवेदन दर्ता भएको छ ।

बिहीबार सर्वोच्च अदालतमा रिट लगे पनि अध्ययनका क्रममा रहेको भन्दै दर्ता हुन सकेको थिएन । उक्त रिट शुक्रबार दर्ता भएको सर्वोच्च अदालत प्रशासनले जनाएको छ ।

सरकारले निवर्तमान प्रहरी महानिरीक्षक कार्कीलाई हटाएर प्रधानमन्त्रीको सुरक्षा सल्लाहकारको जिम्मेवारी दिएको छ । कार्कीले मन्त्रिपरिषद्को निर्णयको पत्र बुझेका छैनन् । प्रहरी आईजीपीमा सरकारले मनोज केसीलाई नियुक्त गरेको छ र उनले कार्यभार सम्हालीसकेका छन् ।