भोटेकोशी बाढीमा ज्यान गुमाएकाको सम्मानमा राष्ट्रिय शोक

काठमाडौँ । रसुवाको भोटेकोशी नदीमा भदौ १० गते आएको विनाशकारी बाढीमा परी मृत्यु भएका व्यक्तिको सम्मानमा सोमबार देशभर राष्ट्रिय शोक मनाईयको छ।

मन्त्रिपरिषद्को भदौ १८ गतेको निर्णयअनुसार बाढी गएको १३औँ दिनलाई मृतकप्रति सम्मान प्रकट गर्ने दिनका रूपमा राष्ट्रिय शोक मनाइएको हो। सो अवसरमा नेपालभित्रका सरकारी कार्यालयसँगै विदेशमा रहेका नेपाली दूतावास तथा नियोगमा राष्ट्रिय झण्डा आधा झुकाइएको थियो।

बाढीबाट भएको मानवीय क्षतिको विवरणअनुसार हालसम्म १ हजार ३५५ जनाको शव फेला परेको छ भने ४ हजार ९९६ जना अझै सम्पर्कविहीन छन्। फेला परेका शवमध्ये ९८ जनाको मात्र पहिचान खुल्न सकेको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार विपद्को घटनापछि हालसम्म १३ हजार ३९६ जनालाई उद्धार गरिएको छ।