भोटेकोशी बाढी : खोज तथा उद्धारमा खटिएका सुरक्षाकर्मी र राष्ट्रसेवकलाई जोखिम भत्ता दिइने

काठमाडौं । सरकारले भोटेकोशी बाढी प्रभावित क्षेत्रमा खोज तथा उद्धार कार्यमा खटिने सुरक्षाकर्मी तथा राष्ट्रसेवक कर्मचारीहरूका लागि राहतको व्यवस्था गर्ने निर्णय गरेको छ ।

बिहीबार बसेको मन्त्रिपरिषद् बैठकले यस्तो निर्णय गरेको हो ।

बैठकको निर्णय सुनाउँदै शिक्षामन्त्री सस्मित पोखरेलले भने- खोज तथा उद्धार कार्यमा खटिएका सुरक्षाकर्मी र राष्ट्रसेवक कर्मचारीलाई जोखिम भत्ता, खाजा खर्च, खोज उद्धारमा खटिएका सुरक्षाकर्मी र कर्मचारी घाइते भएमा निःशुल्क उपचार तथा मृत्यु भएमा प्रति मृतक १० लाख रुपैयाँ राहत उपलब्ध गराउने ।निर्णय भएको छ ।

सरकारले उद्धारका क्रममा कुनै कर्मचारी वा सुरक्षाकर्मीको मृत्यु भएमा उनको परिवारलाई प्रति मृतक १० लाख रुपैयाँ राहत रकम प्रदान गर्ने भएको छ ।