अर्थमन्त्रीको सचिवालयले भन्यो : ‘विद्युत् महसुलको भ्याटबारे ‘सैद्धान्तिक सहमति’ भएको प्रचार गलत’
प्रचारप्रसार गरिएजस्तो अर्थमन्त्रीले उक्त विषयमा छलफल गर्न आइतबार साँझ वा गएको साता कुनै भेटघाट र छलफल गर्नुभएको छैन,” सचिवालयले भनेको छ।
काठमाडौँ। अर्थमन्त्री डा. स्वर्णिम वाग्लेको सचिवालयले विद्युत् महसुलमा मूल्य अभिवृद्धि कर (भ्याट) छुट फिर्ता गर्न सैद्धान्तिक सहमति भएको भन्ने प्रचारको खण्डन गरेको छ।
अर्थमन्त्री वाग्लेको नाम जोडेर विभिन्न माध्यमबाट गरिएको प्रचारप्रति ध्यानाकर्षण भएको जनाउँदै सचिवालयले उक्त विषयमा कुनै भेटघाट वा छलफल नभएको स्पष्ट पारेको हो।
‘आइतबार साँझ कुनै भेटघाट भएन’
सचिवालयका अनुसार अर्थमन्त्री वाग्लेले विद्युत् महसुलको भ्याटसम्बन्धी विषयमा छलफल गर्न आइतबार साँझ कुनै पक्षसँग भेटघाट गरेका छैनन्।
गएको सातासमेत यस विषयमा कुनै भेटघाट वा छलफल नभएको अर्थमन्त्रीका प्रमुख स्वकीय सचिव नवीन ढुङ्गानाले जारी गरेको स्पष्टीकरणमा उल्लेख छ।
“प्रचारप्रसार गरिएजस्तो अर्थमन्त्रीले उक्त विषयमा छलफल गर्न आइतबार साँझ वा गएको साता कुनै भेटघाट र छलफल गर्नुभएको छैन,” सचिवालयले भनेको छ।
विद्युत् महसुलमा भ्याट लगाउने वा छुट दिनेसम्बन्धी विषयमा भने मन्त्रालय मातहतका निकायबाट छलफल र अध्ययन भइरहेको सचिवालयले जनाएको छ।
अर्थमन्त्री वाग्लेले यसअघि प्रतिनिधिसभा र राष्ट्रिय सभाका बैठकमा व्यक्त गरेको धारणाअनुसार थप सहजीकरण तथा उपभोक्तालाई राहत दिने सम्भावित उपायबारे अध्ययन भइरहेको स्पष्टीकरणमा उल्लेख छ।
यो खबर पढेर तपाईलाई कस्तो महसुस भयो ?
प्रतिक्रिया (0)
प्रतिक्रिया दिन कृपया लगइन गर्नुहोस्।
कुनै प्रतिक्रिया छैन। पहिलो प्रतिक्रिया दिनुहोस्!
