मनाङमा बाह्य पर्यटकले निर्वाचनको दिनमा पनि घुम्न पाउने



हिमाली जिल्ला मनाङमा निर्वाचनको दिनमा पनि पर्यटकले घुम्न पाउने भएका छन् । निर्वाचनको दिनमा सवारी सञ्चालनमा रोक लगाइए पनि पैदलयात्रामा आउने पर्यटकले निर्वाचनकै दिनमा पनि प्रवेश पाउने भएका हुन् । पर्यटन बोर्डबाट भ्रमणको आधिकारिक अनुमतिपत्र लिएर आएका पर्यटकलाई मनाङमा प्रवेश दिइने प्रमुख जिल्ला अधिकारी रवीन्द्रप्रसाद आचार्यले बताए । पर्यटन बोर्डबाट रोड परमिट लिएर आएका पर्यटकले प्रवेश पाउनेछन् ।

 

फापर , मनाङ गाउँ र गगांपुर्ण ताल Photo by : Gopi Wagle

 

अन्नपूर्ण पदमार्गमा विशेषगरी इजरायल, जर्मनी, फ्रान्स, अष्ट्रेलिया, बेलायत, अमेरिकालगायत देशका पर्यटक बढी आउने गरेका छन् । अन्नपूर्ण पदमार्गमा पछिल्लो समय आन्तरिक पर्यटकको आगमन पनि बढ्दै गएको अन्नपूर्ण संरक्षण क्षेत्र मनाङका प्रमुख गौतमले बताए ।

 

बेंसीसहरबाट खुदी, भुलभुले, ङादी, स्यागे, जगत हुँदै मनाङको बगरछाप पुगेर चामे हुँदै थोराङपास हुँदै मुक्तिनाथ, जोमसोम, बेनी, घोरेपानीको बाटो भएर पोखरा पुगिन्छ ।अन्नपूर्ण पदमार्ग विश्वका १० उत्कृष्ट गन्तव्य मध्ये एक मानिन्छ । ५ हजार ४ सय १६ मीटरको थोराङ भञ्ज्याङलाई पास गर्दा आन्तरिक तथा बाह्य पर्यटकहरू आफूलाई भाग्यमानी ठान्छन्।


२८ चैत्र २०७८, सोमबार

अन्नपूर्ण पदमार्गमा पर्यटक आगमन बढ्यो; दैनिक दुई सयभन्दा बढी पर्यटक

कोरोना भाइरस र बाढीपहिरोको बितण्डामा ढप्प भएकाे लमजुङकाे पदयात्रा क्षेत्रमा चहलपहल सुरु भएकाे छ । झण्डै दुई वर्षपछि यहाँ पदयात्रा गर्ने पर्यटक आएका हुन् ।दैनिक दुई सयभन्दा बढी पर्यटकले अचेल यहाँ पदयात्रा गर्ने गरेका छन् । अन्नपूर्ण पदमार्गमा पदयात्रा गर्ने वाह्य पर्यटक केही समययता बढ्दै गएको हो ।

 

पर्यटकको सङ्ख्यामा वृद्धि भएपछि पर्यटन व्यवसायीमा उत्साह छाएकाे छ। मंसिर र पुसमा हिमपातका कारण सुस्ताएको भए पनि अहिले चहलपहल बढ्न थालेको अन्नपूर्ण संरक्षण क्षेत्र मनाङका प्रमुख लेखनाथ गौतमले बताए । पदयात्राका लागि उपयुक्त मौसम सेप्टेम्बरदेखि नोभेम्बरसम्म र फेब्रुअरीदेखि अप्रिलसम्म मानिन्छ । अन्नपूर्ण पदमार्ग विश्वका १० उत्कृष्ट गन्तव्यमध्ये एक मानिन्छ । दुई वर्षसम्म कोरोना महामारीका कारण थलिएको पर्यटन क्षेत्र विस्तारै तङ्ग्रिदै गएको पर्यटन व्यवसायी पारु गुरुङ बताउँछिन् ।


‘तिलिचो र थोराङ्ला जाने अन्नपूर्ण पदमार्ग सुरक्षित र सुचारु रहेको छ’ – जि. प्र. का. मनाङ

 

 

जिल्ला प्रशासन कार्यलय मनाङले अन्नपूर्ण पदमार्ग सुचारु र सुरक्षित रहेको जनएको छ ।

 

जिल्ला प्रशासन कार्यालय मनाङ भनेको छ, “स्वदेशी तथा विदेशी पर्यटकले तिलिचो ताल समिट गरी रहेका छन र थोराङ्ला पास गरी मुस्ताङको मुक्तिनाथ पनि पुगी रहेका हुँदा अन्नपूर्ण पदमार्ग सुरक्षित र सुचारु रहेको छ।”

 

प्रशासन ले भनेको छ, “सुरक्षाकर्मीले सुरक्षित पदयात्राका लागी सहजीकरण गरिरहेरका छन र पर्यटकको स्वागतमा समुदाय उत्साहित रहेको छ ।

 

वाढीले विगारेको बाटो मर्मत

जिल्ला स्थित सुरक्षाकर्मीहरु परिचालित भई बर्षाले बिगारेको बाटो मान्छे हिंड्न र मोटरसाईकल पास हुने बनाईएको छ ।

 

गत असोज ३० देखी देशै भर परेको अभिरल वर्षा का कारण वेशिसहर- चामे-खाङसार सडक खण्डमा रहेको २ वोटा अस्थायी मोटरेवल अस्थायी काठेपुल सहित सानो ठूलो पहिरोका कारण विभिन्न १२ ठाउँमा क्षति पुगेको थियो भने सडक निर्माण कार्य जारी छ ।

 

खाङसार र तिलिचोमा चहल-पहल जारी छ

खाङसारमा दिनमा १०० देखी १५० सम्म नेपाली र बिदेशी पर्यटकहरु आउने गरेको त्यहाँका पर्यटक व्यवसायि सोनाम गुरुङले वताए । साथै तिलिचो जाने बाटो सुरक्षित र सुचारु रहेको समेत उनले बताए ।