धारापानीमा ब्रेकथ्रुको निर्णय भएसङै खुल्ने भयो बेशिशहर-चामे सडक



गत असार पहिलो साता मनाङमा आएको वाढीले सबै भन्दा क्षति पुर्याएको क्षेत्रहरु मध्य धारापानी पनि एक हो ।

 

उक्त वाढीले त्यहाँका सरकारी कार्यालय, घर तथा होटेलहरु मात्र बगाएनकि मनाङको लाईफलाईन को रुपमा रहेको सडक खण्ड समेत ध्वस्त बनायो । यस्ले गर्दा माथिल्लो मनाङमा मोटर सुचारु भएता पनि यस क्षेत्रमा अवरोध रहेका कारण स्थानियले सास्ती भोग्नु परेको छ ।

 

प्रतीनिधि सभा सदस्य पोल्देन छोपाङ गुरुङको उपस्थितीमा तथा प्र.जि.अ. विष्णु प्रसाद लामिछाने, नांसो गाउँपालिकाका अध्यक्ष चन्द्र घले,  चामे गाउपालिकाका अध्यक्ष लोकेन्द्र घले, मनाङ ङिस्याङ गाउँपालिकाका अध्यक्ष कान्छा घले, डुम्रे-बेशिशहर-चामे सडक खण्ड आयोजनाका ईन्जिइनियर, ठेकेदार र स्थानिय जग्गा धनी आदीको समेत सहभागितामा मुख्य सडक बन्न समय लाग्ने भएकाले वैकल्पिक बाटो खोलेर तत्काल मोटर चल्ने वातावरण बनाउने निर्णय भएको छ ।

 

वैकाल्पिक बाटो प्रयोग हुने भए सँगै अब केहि दिनमा नै मनाङ भरी मोटर बाटो सुचारु हुनेछ ।

 

मनाङ ङिस्याङ गाउँपालिकाको भ्रताङ देखी खाङ्सार सम्म र चामे गाउँपालिकाको तिमाङ देखी तलेखु सम्म नै मोटर वाटो सुचारु  भईसकेको छ ।

मनाङ ङिस्याङ र चामे गाउँपालिका मा मोटरवाटो सुचारु